Umunyamakuru w’imikino, Nsanzamahoro Fred wamanyekanye nka Nasri mu mwuga w’itangazamakuru, yaguzwe na B&B Umwezi izwiho kugira abanyamakuru beza.
Ku wa Gatatu tariki 14 Kamena 2023, ni bwo ubuyobozi bwa Radio ya B&B Umwezi bwatangaje ko hari umunyamakuru mushya winjiye muri iki kigo.
Mbere gato y’uko iyi nkuru itangazwa, biciye ku mbuga nkoranyambaga z’iki kigo, hari habanje guca amakuru yacaga amarenga y’uko hari umunyamakuru mushya winjiye muri iyi nzu y’i Nyarutarama.
Urugendo rwa Nasri kuri Radio na Flash TV, rwashyizweho akadomo ubwo yashyiraga umukono ku masezerano ya B&B Umwezi iyoborwa na Bagirishya Jean de Dieu uzwi nka Castar.
Uyu munyamakuru wakunzwe na benshi kubera uko yogeza imikino itandukanye ndetse n’imvugo azwiho gukoresha, yari amaze imyaka umunani kuri iki gitangazamakuru gikorera i Kagugu.
UMUSEKE.RW
