Perezida Paul Kagame yakiriye Dr Ron Adam, Ambasaderi wa Israel mu Rwanda waje kumusezeraho.
Ibiro by’Umukuru w’Igihugu , Village Urugwiro ,byatangaje ko Perezida Kagame yakiriye Dr Ron Adam kuwa Gatatu tariki 2 Kanama 2023, aje kumusezeraho nka Ambasaderi wa Israel usoje inshingano ze zo guhagararira icyo gihugu mu Rwanda.
Dr Ron Adam wari umaze imyaka hafi itanu ari Ambasaderi wa Israel mu Rwanda, yasimbuwe na Einat Weiss
Mu 2018 nibwo Dr Ron Adam yabaye Ambasaderi wa mbere wa Israel mu Rwanda, atangirana na Ambasade y’icyo gihugu yari ifunguwe bwa mbere mu Rwanda muri Gicurasi 2019.
Dr Ron Adam yakunze kugaragara cyane mu bikorwa bitandukanye mu Rwanda, yitabira gahunda zigamije guteza imbere umubano w’ibihugu byombi n’ibindi bikorwa bitandukanye by’iterambere birimo gutanga inka ku baturage no kubafasha kwiteza imbere.
TUYISHIMIRE RAYMOND/UMUSEKE.RW