Urwego rw’Igihugu rw’Ubugenzacyaha, RIB rwatangaje ko rwataye muri yombi abantu bane bakurikiranyweho gukinisha abana filime z’urukozasoni no kuzikwirakwiza bifashishije imbuga nkoranyambaga nka youtube.
Abafashwe ni Twizerimana David ufite Imiyoboro ( Channels) ya Youtube yitwa Smart Guys TV na Smart Nation Tv na bagenzi be batatu.
Urwgo rw’Igihugu rw’Ubugenzacyaha rwavuze ko rutazihanganira umuntu wese uzakoresha umwana ibikorwa by’urukozasoni n’ibindi bishora abana mu ngeso mbi zibangiriza ejo hazaza habo.
RIB ivuga ko uwo ari we wese uzakora ibyo byaha yaba akoresha imbuga nkoranyambaga cyangwa ubundi buryo atazihanganirwa na gato.
Yagize iti ” Uzabifatirwamo wese azahanwa nk’uko amategeko abiteganya.”
Bariya bafashwe bafungiye kuri Sitasiyo za RIB za Kacyiru, Kimironko, Kimihurura na Remera mu gihe dosiye zabo zirimo gutunganywa kugira ngo zishyikirizwe Ubushinjacyaha.
NDEKEZI JOHNSON / UMUSEKE.RW