Mu Karere ka Nyanza umugabo w’imyaka 38 yapfuye urupfu rutunguranye,apfiriye mu kazi.
Abakoresha n’ubuyobozi bwe basanze yapfuye yavuye iwe ari muzima nta kibazo cy’uburwayi afite
Mu gitondo cyo kuri uyu wa 25 Ugushyingo 2023 umugabo witwa Bampire Benoit yazindutse ava iwe ajya gukora mu kabari kari mu mujyi wa Nyanza unaherereye mu Murenge wa Busasamana kitwa laverdure nta kibazo afite maze apfirayo ubwo yari mu kazi ka masuku(akoropa).
Abahaye amakuru UMUSEKE bavuze ko nyakwigendera yakoropaga muri ako kabari maze acomeka imbabura y’amashyarazi anafite amazi mu ntoki maze umuriro w’amashanyarazi uramufata birangira ashizemo umwuka arapfa.
Umunyambanga Nshingwabikorwa w’Umurenge wa Busasamana Egide Bizimana yabwiye UMUSEKE ko ayo makuru bayamenye bamenyesha Polisi na RIB hakaba hatangiye iperereza ngo hamenyekane icyo nyakwigendera yazize.
Umurambo wa nyakwigendera wajyanwe ku bitaro bya Nyanza ngo ukorerwe isuzuma.
Theogene NSHIMIYIMANA
UMUSEKE.RW i Nyanza
