Ishimwe Thierry, umubyinnyi w’umwuga w’imbyino zigezweho wamenyekanye nka Titi Brown wari umaze imyaka ibiri muri gereza yagizwe umwere n’Urukiko.
Urukiko rw’isumbuye rwa Nyarugenge rwemeje ko ikirego cy’ubushinjacyaha nta shingiro gifite, rwemeza ko Titi Brown agirwa umwere ku cyaha cyo gusambanya uwahawe Code ya M.J.
Urukiko rwemeje ko ikirego cy’indishyi cya M.J. nta shingiro gifite n’icyo kwiregura ku ndishyi cya Ishimwe Thierry nacyo nta shingiro gifite.
Rwemeje ko indishyi zidatangwa muri uru rubanza maze rutegeka ko Ishimwe Thierry ahita afungurwa akimara gusomerwa.
Urukiko rwisumbuye rwa Nyarugenge rwategetse ko amagarama y’urubanza ahera mu isanduku ya Leta.
Titi Brown yari amaze imyaka 2 afungiye muri gereza ya Nyarugenge izwi nka Mageragere. Umwanzuro wasomwe kuri uyu wa Gatanu tariki 10 Ugushyingo 2023 Saa Yine n’igice za mu gitondo.
NDEKEZI JOHNSON / UMUSEKE.RW