Perezida Paul Kagame akaba n’Umugaba w’Ikirenga w’Ingabo z’u Rwanda (RDF) yazamuye mu ntera Umugaba Mukuru w’Ingabo z’u Rwanda, Lt Gen Mubarakh Muganga, amuha ipeti rya General Full.
Izi mpinduka zatangajwe kuri uyu wa Gatatu n’igisirikare cy’u Rwanda, zikurikiye irindi zamurwa mu ntera rya ba Offisiye bakuru ryakozwe ku wa Kabiri mu gitondo.
Ku wa Kabiri Minisitiri w’Ingabo yazamuye mu ntera abasirikare bafite amapeti amatoya bagera ku 9,000.
Abazamuwe mu ntera barimo abafite ipeti rya WARRANT OFFICER II, bagizwe WARRANT OFFICER I (137 WOII). Minisitiri yazamuye mu ntera abafite ipeti rya SERGEANT MAJOR bagirwa WARRANT OFFICER II (142 SERGEANT MAJORS).
Yanazamuye mu ntera abafite ipeti rya STAFF SERGEANT bagirwa SERGEANT MAJOR (2,165 SSGT), abandi bazamuwe mu ntera ni abafite ipeti rya SERGEANT bagizwe STAFF SERGEANT (3419 SGT), hari n’abari bafite ipeti rya CORPORAL bagizwe SERGEANT (2,537 CPL).
Minisitiri w’Ingabo yanazamuye mu ntera abasirikare bafite ipeti rya PRIVATE bagirwa CORPORAL (1,625 PTE).
UMUSEKE.RW