Nyuma yo gusezerera ikipe ya Yanga Africans mu irushanwa rya Mapinduzi Cup, Minisitiri wa Siporo, Munyangaju Aurore Mimosa, yacyeje ikipe ya APR FC yahaye ibyishimo Abanyarwanda.
Ku Cyumweru tariki ya 7 Mutarama 2024, ni bwo habaye imikino ibiri ya 1/4 cy’irangiza mu irushanwa rya Mapinduzi Cup riri kubera mu gihugu cya Zanzibar.
Umwe muri iyi mikino, ni uwahuje ikipe ya APR FC ihagarariye u Rwanda na Yanga Africans yo muri Tanzania.
Ni umukino warangiye ikipe y’Ingabo itanze ibyishimo ku Banyarwanda nyuma yo gutsinda ikipe ikunzwe na benshi muri Tanzania, ibitego 3-1 igahita inayisezerera.
Nyuma y’uyu mukino, Minisitiri wa Siporo mu Rwanda, Munyangaju Aurore Mimosa, yacyeje APR FC abicishije ku rukuta rwe rwa X yahoze yitwa Twitter.
Ati “APR FC oyeeee! Mwishyuke kuri iyi ntsinzi nziza.”
Ikipe y’Ingabo izahura na Mlandege FC yasezereye KVZ biciye kuri penaliti 3-2 nyuma y’uko amakipe yombi yari yanganyije 0-0.
Kuri uyu wa mbere, hateganyijwe imikino yindi ibiri ya 1/4 iza gusiga itanze andi makipe abiri azakina 1/2.
Minisitiri Munyangaju yacyeje APR yasezereye Yanga
- Advertisement -
Nyuma yo gusezerera ikipe ya Yanga Africans mu irushanwa rya Mapinduzi Cup, Minisitiri wa Siporo, Munyangaju Aurore Mimosa, yacyeje ikipe ya APR FC yahaye ibyishimo Abanyarwanda.
Ku Cyumweru tariki ya 7 Mutarama 2024, ni bwo habaye imikino ibiri ya 1/4 cy’irangiza mu irushanwa rya Mapinduzi Cup riri kubera mu gihugu cya Zanzibar.
Umwe muri iyi mikino, ni uwahuje ikipe ya APR FC ihagarariye u Rwanda na Yanga Africans yo muri Tanzania.
Ni umukino warangiye ikipe y’Ingabo itanze ibyishimo ku Banyarwanda nyuma yo gutsinda ikipe ikunzwe na benshi muri Tanzania, ibitego 3-1 igahita inayisezerera.
Nyuma y’uyu mukino, Minisitiri wa Siporo mu Rwanda, Munyangaju Aurore Mimosa, yacyeje APR FC abicishije ku rukuta rwe rwa X yahoze yitwa Twitter.
Ati “APR FC oyeeee! Mwishyuke kuri iyi ntsinzi nziza.”
Ikipe y’Ingabo izahura na Mlandege FC yasezereye KVZ biciye kuri penaliti 3-2 nyuma y’uko amakipe yombi yari yanganyije 0-0.
Kuri uyu wa mbere, hateganyijwe imikino yindi ibiri ya 1/4 iza gusiga itanze andi makipe abiri azakina 1/2.
HABIMANA SADI/UMUSEKE.RW
