Ku wa kane, Pakisitani yagabye ibitero bya misile byo kwihorera muri Irani, nyuma y’iminsi ibiri irashe ku butaka bw’icyo gihugu.
Minisiteri y’ububanyi n’amahanga ya Pakisitani yavuze ko abantu benshi biciwe mu ntara ya Sistan-Baluchistan.
Ibitangazamakuru bya leta ya Irani byo bivuga ko abantu icyenda bishwe biturutse kuri ibyo bitero.
Pakistani yavuze ko ibitero byayo byibasiye “ubwihisho bw’iterabwoba” mu ntara ya Irani ya Sistan-Baluchestan.
Icyo gihugu kivuga ko ibyo bitero byakozwe hashingiwe ku iperereza ryizewe ku bikorwa by’iterabwoba kandi ko ibyihebe byinshi byahasize ubuzima.
Pakistan yongeyeho ko yubaha byimazeyo Irani n’uburugire bw’akarere ko ibitero bagabye bigamije guha gasopo abahungabanya umutekano n’abakora iterabwoba.
Ku wa kabiri, Pakisitani yari yamaganye byimazeyo igitero cya Irani, cyibasiye agace ko mu ntara ya Balochistan ya Pakisitani hafi y’umupaka wa Irani.
Irani yashimangiye ko ibitero byayo byari bigamije gusa Jaish al-Adl, umutwe w’abayisilamu bo mu bwoko bw’Abasuni bo mu bwoko bw’Abasuni bagabye ibitero muri Irani, atari abenegihugu ba Pakisitani.
- Advertisement -
NDEKEZI JOHNSON / UMUSEKE.RW