Polisi ya Uganda mu ishami rushinzwe iperereza, ryashyiriyeho akayabo ka miliyoni 20 y’amashilingi ya Uganda ku muntu uzayifasha gufata ukekwa kurasa Pasiteri Aloysius Bugingo ndetse akica umurinzi we witwa Richard Muhumuza.
Polisi ya Uganda ivuga “ko uzatanga amakuru azahabwa igihembo gishimishije bityo akwiye kumenyesha abayobozi akoresheje telefoni 0741111333 cyangwa akagera ku bashinzwe iperereza ryihariye CID .”
Polisi ivuga ko uzatanga amakuru azarindirwa umutekano, inibutsa ko gutunga intwaro ari ibintu bibi cyane bityo ku bazifite badakwiye kuzihisha.
Pasiteri Aloysius Bugingo uzwi cyane kubera gushyikira Gen Muhoozi Kainerugaba na Perezida Museveni yarashwe mu ubwo umuntu wari kuri moto yarasaga imodoka yarimo we n’uwitwa Richard Muhumuza, ushinzwe kumurinda.
Polisi ivuga ko uyu mushumba ukuriye urusengero rwitwa Prayer House Ministries yarashwe urufaya rw’amasasu, isasu rikamukomeretsa ku rutugu, umurinzi we witwa Richard Muhumuza akahisiga ubuzima.
Ni gikorwa cyababaje cyane Gen Muhoozi Kainerugaba, umuhungu wa Perezida Museveni aho yanatangaje ko hatangwa ibisobanuro.
UMUSEKERW
