Rutahizamu w’Umunya-Guinée Equatorial, Emilio Nsue yatangaje ko yasezeye ku mugaragaro mu kipe y’Igihugu.
Uyu musore w’imyaka 34 y’amavuko, aherutse gutangaza ko mu Ishyirahamwe ry’Umupira w’Amaguru mu gihugu cya Guinée Equatorial, harimo ruswa ndetse ubuyobozi bw’iri shyirahamwe buhita bumuhagarika igihe kitazwi.
Nyuma yo guhagarikwa n’iri shyirahamwe, ku wa Kabiri tariki ya 20 Gashyantare 2024, yatangaje ko yahagaritse gukina mu kipe y’Igihugu.
Yahamagawe mu kipe y’Igihugu inshuro 42, atsinda ibitego 23. Mu Gikombe cya Afurika 2023 giheruka kubera muri Côte d’Ivoire.
Emilio ni we watsinze ibitego byinshi (5) mu Gikombe cya Afurika giheruka.
HABIMANA SADI/UMUSEKE.RW
