Perezida wa Repubulika Paul Kagame uri muri senegal, yagiranye ibiganiro na mugenzi we w’icyo gihugu, baganira uko umubano w’ ibihugu byombi warushaho gutera imbere.
Ibiro by’Umukuru w’Igihugu cy’URwanda, Village Urugwiro, bivuga ko abayobozi bombi baganiriye uko ibihugu byombi byateza imbere inzego zitandukanye zirimo ubucuruzi,ubukerarugendo, n’imiyoborere.
Perezida wa Senegal , Bassirou Diomaye Faye, Minisitiri w’Intebe w’icyo gihugu, Ousmane Sonko nyuma bakiriye ku meza Perezida Kagame.
Nyuma abayobozi bombi banarebye umukino wa basketball, BAL, wahuje AS Douanes yo muri Sengal na APR BBC yo mu Rwanda.
U Rwanda rusanzwe rufitanye umubano mwiza na Senegal ndetse mu bihe bitandukanye ibihugu byombi byagiranye amaserano y’ubufatanye.
Perezida Kagame kuri uyu wa mbere kandi ategerejwe no muri Guinée aho agirana ibiganiro na Perezida w’iki gihugu, Gen .Mamadi Doumbouya.
UMUSEKE.RW
- Advertisement -