Umukino ubanza muri itatu ya Kamarampaka wahuje APR HC na Police HC wahagaritswe utarangiye bitewe no kutemera ibyemezo by’abasifuzi kw’abakinnyi ba Police.
Uyu mukino wa mbere mu ya Kamarampaka wabaye kuri uyu wa Gatandatu, tariki ya 29 Kamena 2024, ku kibuga cya Kimisagara.
Uyu mukino wahuzaga ikipe zombi z’Abashinzwe Umutekano wasorejwe ku munota 19 n’amasegonda 20, ubwo APR HC yari ihawe penaliti ariko ikipe ya Police HC irabyanga ndetse ihita iva mu kibuga, aho APR yari ifite ibitego 9-8.
APR HC yateye iyo penaliti biba 10-08, ariko na bwo Police HC yanga gusubira mu kibuga, birangira abasifuzi banzuye gusoza umukino.
Ku munsi w’ejo ku wa Gatanu ni bwo hari hakinwe imikino ya 1/2 yatumye aya makipe agera ku mukino wa nyuma.
Police HC y’umutoza CIP(rtd) Antoine Ntabanganyimana yatsinze ES Kigoma ibitego 41-26, mu gihe APR HC yo yasezereye Gicumbi ku bitego 36-29.
ISHIMWE YARAKOZE SETH KEFA/UMUSEKE.RW
