Nyanza : Gaz yaturikiye mu nzu y’umuturage yari isanzwe ikorerwamo ubucuruzi, ibiri mu nzu byose n’ibicuruzwa bye birashya birakongoka.
Byabereye mu karere ka Nyanza mu Murenge wa Busasamana mu kagari ka Nyanza mu Mudugudu wa Kigarama.
UMUSEKE wamenye amakuru ko inzu yafashwe n’iyo nkongi ari iya NIYOYITA Emmanuel w’imyaka 45.
Amakuru akomeza avuga ko ibyahiye byarimo amakara imifuka 150 kuko yari asanzwe ayacuruza,televiziyo, telefone eshatu, akabati, Ibikoresho byo mu gikoni kuko batekeragamo na gaz bikekwa iyo nkongi y’umuriro yaba yatewe no guturika kwayo.
Uwakurikiranye aya makuru yabwiye UMUSEKE ati”Gaz yaturitse ihura n’amashanyarazi n’amakara byose ubundi birashya”
Polisi Ishami rishinzwe kuzimya inkongi yatabaye uwo muturage inzu yamaze gufatwa n’iyo nkongi.
Theogene NSHIMIYIMANA
UMUSEKE.RW i Nyanza