Mu mukino w’itsinda rya Kabiri u Rwanda ruherereyemo mu mikino Paralempike iri kubera i Paris mu Bufaransa, rwatsinzwe na Brésil amaseti 3-0 mu mukino wa Volleyball ikinwa n’Abafite Ubumuga.
Kuri uyu wa 29 Kanama 2024, ni bwo mu Bufaransa hatangiye imikino Paralempike ikinwa n’Abafite Ubumuga.
Ikipe y’Igihugu y’u Rwanda y’Abagore bakina Volleyball y’Abafite Ubumuga (Sitting Volleyball), yagize intangiriro mbi.
U Rwanda rwatsinzwe na Brésil amaseti 3-0 (25-13, 25-10, 25-7). Ikipe y’Igihugu izagaruka mu kibuga tariki ya 31 Kanama ikina na Slovenia. Izasoreza kuri Canada tariki ya 2 Nzeri 2024.
Biteganyijwe ko imikino Paralempike izarangira tariki ya 7 Nzeri 2024.
UMUSEKE.RW
