Ishyirahamwe Mpuzamahanga ry’Umupira w’Amaguru ku Isi [FIFA], ryakuyeho ibihano ryari ryarafatiye Yanga SC byo kutandikisha abakinnyi bashya kubera kutubahiriza amasezerano iyi kipe yari ifitanye n’abakinnyi babiri bayireze.
Mu Ugushyingo umwaka ushize, umukinnyi, Augustine Okrah, ni bwo yareze Yanga SC ko yamwirukanye mu buryo bunyuranyije n’amategeko, ndetse iyi kipe ihita ifatirwa ibihano byo kubuzwa kwinjiza abakinnyi kugeza igihe izishyurira uyu mukinnyi.
Amakuru meza ku banya-Tanzania bihebeye iyi kipe, ni uko ibi bihano byamaze kuvanwaho nyuma y’uko yishuye Augustine wari wayireze. Ibi byabaye ku wa 13 Mutarama 2025. Bisobanuye ko ubu Yanga yemerewe kwandikisha abakinnyi.
UMUSEKE.RW
