Mu Mudugudu wa Murindi, Akagari ka Ruganda mu Murenge wa Kamembe, Akarere ka Rusizi , inzu yafashwe n’inkongi y’umuriro, ibyari mu nzu byose birakongoka.
Ibi byago byabaye ku mugoroba w’ejo ku wa mbere tariki ya 6 Mutarama 2025 ahagana saa kumu n’ebyiri n’igice (18h30), biturutse kuri gaz yo gutekesha yaturitse.
Amakuru UMUSEKE wamenye ni uko iyi nzu abari bayicumbitsemo nta muntu waburiyemo ubuzima ndetse nta n’uwakomeretse.
Umunyamabanga Nshingwabikorwa w’Umurenge wa Kamembe, Ingabire Joyeux yihanganishije umuryango wagize ibyago, atangariza UMUSEKE ko agaciro k’ibyahiye kataramenyekana.
Ati”Ibyari biri mu nzu byose byarakongotse,agaciro ka byo turaza kukamenya mu masaha ari imbere”.
Mu butumwa uyu munyamabanga Nshingwabikorwa yatanze,yasabye abaturage kujya bakoresha Gaz ziri hanze, bakanamenya ko zifunze neza ku buryo, zikoreshwa n’umuntu ubizi neza.
MHIRE Donatien
UMUSEKE.RW/ RUSIZI