Ihuriro AFC/M23 kuva kuwa Mbere tariki ya 12 na 13 Gicurasi 2025, mu Mujyi wa Goma , mu Ntara ya Kivu ya Ruguru, yakoze umukwabu udasanzwe, ita muri yombi abagera kuri 300 barimo n’abarwanyi ba FDLR.
Uyu mukwabu uri gukorwa mu bice bya Sake mu Mujyi wa Goma, mu bice bya Kaduki na Kyambali, muri gurupema wa Kamurhozi.
Abafashwe , bafatiwe muri Buhene, Don Bosco, Virunga, Katoyi,Kilijwe.
M23 ivuga ko imaze gufata abantu 283 barimo na 18 b’ingabo za Congo,9 bo muri Polisi ya Congo, 34 Wazalendo, 17 ba FDLR na 15 basanzwe ari amabandi.
Abayobozi ba M23 ubwo kuwa Mbere bari kuri Sitade y’Ubumwe, (stade de l’Unité), ahajyanywe abafatiwe mu mukwabu,bemeje ko uri gukorwa hagamijwe kurwanya ibikorwa bihungabanya umutekano.
M23 ivuga ko igamije kugarura amahoro n’umutekano mu Mujyi wa Goma.
Abaturage bo bavuga ko uyu mutwe wa M23 ugamije kwinjiza abantu ku ngufu mu gisirikare nkuko Radio Okapi ibitangaza.
UMUSEKE.RW
