Ukeneye kwamamaza! Gusobanuza! Gutanga amakuru? Hamagara 0788772818
Nyuma y’umukino Ikipe y’ingabo z’igihugu yatsinzemo “APR FC” Mogadishu City Club yo mu gihugu cya Somalia ibitego 2-1, ubuyobozi bwashimiye abakinnnyi uburyo bitwaye, umuyobozi wungirije wa APR FC, Brig Gen Bayingana Firmin yabahaye ubutumwa bwo kubashimira ku intsinzi babonye.
Ati: “Mubonye intsinzi mwakoze ibishoboka byose mumenya uwo muhanganye. Ikintu cya mbere mu mukino, ni ukabanza kumenya uwo muhanganye, ibyo nibyo bitanga intsinzi, babanje igitego ariko ntimwacika intege mwakomeje murakotana mugera ku intsinzi ni ibyishimo, igisigaye ni ukumenya uwo tugiye guhura na we mu cyiciro gikurikiraho kandi ubuyobozi burabashyigikiye cyane.”
Brig Gen Bayingana Firmin yakomeje agira ati “Mugiye kuba musubiye mu miryango yanyu mu biruhuko, ariko hari urundi rugamba tugomba gutegura imbere yacu mukomeze kwirinda icyorezo cya Covid-19 kandi munakurikize inama ndetse n’imyitozo muhabwa n’abatoza banyu kugira ngo muzagaruke mukiri ku rwego rushimishije.”
APR FC yasezereye iyi kipe ku giteranyo cy’ibitego 2-1 kuko umukino ubanza wari wabereye kuri Stade Gouled yo muri Djibouti [aho Mogadishu City Club yari yakiriye APR FC] wari warangiye amakipe yombi anganya 0-0.
REBA YouTube Channel UMUSEKE TV video nziza nk’iyi. UKORA LIKE SHARE na COMMENT
UMUSEKE.RW
