Nyuma yo gutandukana na Vipers SC biciye mu bwumvikane, umunya-Brésil Roberto Oliviera uzwi ku izina rya Robertinho yerekanywe nk’umutoza mukuru wa Simba SC yo muri Tanzania.
Ni umuhango wabaye kuri uyu wa Kabiri tariki 3 Mutarama 2023. Uyu mutoza yahawe amasezerano y’imyaka itatu.
Robertinho aje asanga Juma Mgunda ukomoka muri Tanzania, ari we mutoza mukuru w’iyi kipe. Bisobanuye ko Mgunda azungiriza uyu munya-Brésil.
Arasabwe gusubiza ikuzo ikipe ya Simba SC idaheruka gutsinda Yanga SC bahora bahanganye muri shampiyona y’icyiciro cya mbere mu gihugu cya Tanzania.
Robertinho watoje Rayon Sports akayivamo ayihesheje igikombe cya shampiyona, yatandukanye na Vipers SC yo muri Uganda nyuma yo kuyisha igikombe cya shampiyona, akaba anayisize mu matsinda ya CAF Champions League.
UMUSEKE.RW
