Biciye mu busabe bw’Ishyirahamwe Mpuzamahanga y’Umupira w’Amaguru (FIFA), u Rwanda rwahinduye izina rya Stade ya Kigali.
Muri Mutarama uyu mwaka, Perezida wa FIFA, Gianni Infantino yasabye ko buri gihugu cyagira Stade yitirirwa Péle nk’ikimenyetso cyo kuzirikana ibyo yakoze.
Mu bemeye ubu busabe, harimo n’u Rwanda rwemeye ko iyari Stade ya Kigali yahindutse Péle Kigali Stadium.
Ibi birasobanura ko iyi Stade niyongera gukinirwaho, izaba ifite iri zina rishya.
Biteganyijwe ko izongera gukinirwaho nyuma y’Inama ya FIFA iteganyijwe kubera i Kigali tariki 16 Werurwe 2023.
UMUSEKE.RW
