Ubuyobozi bw’ikipe ya Gasogi United, bwatangaje ibiciro byo kwinjira ku mukino w’umunsi wa Mbere wa shampiyona izakira Rayon Sports tariki 18 Kanama 2023 kuri Kigali Pelé Stadium.
Uyu mukino wavugishije benshi ndetse Kakooza Nkuriza Charles, KNC, uyobora Gasogi United agatangaza ko ikipe abereye umuyobozi izagaragaza ubwambure bwa Rayon Sports, ibiciro byo kuzawureba byamenyekanye.
Guhera uyu munsi kugeza ejo, ibiciro ni ibihumbi 3 Frw ahasigaye hose, ibihumbi 7 Frw ahatwikiriye, ibihumbi 10 Frw mu cyubahiro n’ibihumbi 15 Frw mu cyubahiro cy’ikirenga.
Guhera nyuma yo ku wa Kabiri tariki 15 Kanama 2023, abazagura tike bazayigura ku bihumbi 5 Frw ahasigaye hose, ibihumbi 10 Frw ahatwikiriye, ibihumbi 20 Frw n’ibihumbi 30 Frw mu cyubahiro cy’ikirenga.
Uyu mukino uzabera kuri Kigali Pelé Stadium, Saa moya z’ijoro. Ikindi kiwukomeza, ni uko iyi kipe ikunzwe na benshi mu Rwanda yatsinzwe na Gasogi United mu mukino ubanza wa shampiyona y’umwaka ushize w’imikino 2022-2023.
Ibiciro byo kwinjira ku mukino @gasogi_united vs @rayon_sports
Nyuma yo kuwa 2 ibiciro bizahinduka pic.twitter.com/lnC2pRf9Pu
— Gasogi United FC (@gasogi_united) August 14, 2023
- Advertisement -
HABIMANA SADI/UMUSEKE.RW
