Mu byaranze umunsi wa Gatanu wa shampiyona y’Icyiciro cya Mbere mu Bagore, harimo umuba w’ibitego byatsinzwe ikipe ya Bugesera Women Football Club n’ibyatsinzwe Indahangarwa Women Football yazamutse uyu mwaka.
Mu mpera z’icyumweru gishize, ni bwo shampiyona y’Abagore y’Icyiciro cya Mbere, yakomezaga hakinwa imikino y’umunsi wa Gatanu.
Imwe mu mikino yari ihanzwe amaso, ni uwabereye kuri Kigali Pelé Stadium n’uwabereye ku kibuga cyo mu Nzove.
Umukino wabereye kuri Kigali Pelé Stadium, wahuje AS Kigali WFC na Bugesera WFC. Ikipe iterwa inkunga n’Umujyi wa Kigali yanyagiye iy’i Bugesera ibitego 7-0.
Umunya-Gabon, Ngwema Odette Coralie yatsinze ibitego bitatu, Ukwinkunda Jeannette atsinda bibiri, mu gihe Uwimbabazi Immaculée yatsinze kimwe, Usanase Zawadi atsinda bibiri.
N’ubwo ibi byaberaga i Nyarugenge ariko, no mu Nzove ikipe ya Rayon Sports WFC yahanyagiriye Indahangarwa WFC ibitego 6-2.
Byatsinzwe na Mukandayisenga Jeanine uzwi nka ka-Boy watsinzemo bitatu, Mukeshimana Dorothée atsindamo kimwe, mu gihe Mary Chavinda yateretsemo bibiri.
Indi mikino yabaye:
Inyemera WFC 0-1 IPM WFC
- Advertisement -
Gakenke WFC 0-1 Fatima WFC
Rambura WFC 1-4 APAER WFC
Kamonyi WFC 2-0 ES Mutunda WFC
HABIMANA SADI/UMUSEKE.RW
