Ishyirahamwe ry’Umupura w’Amaguru mu Rwanda (FERWAFA) ryatangaje Shampiyona y’ikiciro cya mbere mu Rwanda imaze amezi ane ihagaze, izasubukurwa tariki 1 Gicurasi, 2021 izakinwa mu matsinda ane, rimwe rigizwe n’amakipe ane.
Itsinda rya mbere rizaba riyobowe na APR FC, ririmo Bugesera FC, Muhanga FC, ndetse na Gorilla FC.
Mu itsinda rya kabiri hazaba harimo Rayon Sports, iri kumwe na Kiyovu Sports, Gasogi United ndetse na Rutsiro FC.
Itsinda rya Gatatu harimo Police FC, As Kigali, Musanze FC ndetse na Etincelles FC.
Mukura VS iri mu itsinda rya kane na Sunrise FC, Marine FC ndetse na Espoir FC.
Ikipe zizakina umukino ubanza n’uwo kwishyura, ikipe ya mbere n’iya kabiri zijye muri ¼. Ikipe zitazamutse muri ¼ zizahura zishakemo izimanuka n’izizamuka.
Imikino ya ¼ na ½ ni ugutsindwa uvamo kuko nta mikino yo kwishyura izabaho.
Ikipe Izatwara igikombe izakina Champions League iya 2 ikine Confederation Cup kuko nta gikombe cy’Amahoro biteganywa ko kizaba muri uyu mwaka.
Ferwafa imaze iminsi isura amakipe atandukanye ndetse inareba niba yubahiriza ingamba zo kwirinda Covid-19.
- Advertisement -
Iri shyirahamwe riherutse kwemerera Police FC, Kiyovu Sports ndetse na As Kigali mu makipe agomba gusubukura imyitozo.
Shampiyona y’ikiciro cya mbere yari yahagaritswe mu kwezi kwa Mutarama 2021 hamaze gukinwa imikino itatu gusa kuri buri kipe, uretse APR FC ndetse na As Kigali zari mu mikino Nyafurika.
REBA YouTube Channel UMUSEKE TV video nziza nk’iyi. UKORA LIKE SHARE na COMMENT
ISHEMA Christian / UMUSEKE.RW