Kenya yagenewe inkingo 72,000 za Covid-19 zari zahawe Sudan y’Epfo mu buryo mpuzamahanga bwa Covax, izi nkingo zizongera gutangwa muri iki Cyumweru.
Sudan y’Epfo yavuze ko idashobora gukoresha izi nkingo mbere y’uko zirangiza igihe zagenewe cyo kujugunywa.
Iki gihugu cyari cyahawe inkingo 132,000 zo mu bwoko bwa Astra Zeneca zatanzwe muri gahunda ya Covax mu mpera za Werurwe 2021.
Umunyamabanga wungirije muri Minisiteri y’Ubuzima, Mayen Machout, yabwiye Abanyamakuru ko batari gushobora gukoresha ziriya nkingo mu gihe cyagenwe kubera ko Inteko ishinga Amategeko yatinze kwemeza ikoreshwa ryazo.
Ati “Twanabonye ko abakora mu nzego z’ubuzima batagize ubushake bwo guterwa ziriya nkingo, igihe kinini cyashize twigisha abaturage impamvu zo kwikingiza.”
Sudan y’Epfo izasigarana inkingo 52,000 yizeye ko zizakoreshwa mbere y’uko manda yazo irangira tariki 18 Nyakanga nk’uko bitangazwa n’Ibiro Ntaramakuru AFP.
Muri Mata iki gihugu cyatangaje ko gifite gahunda yo kwangiza inkingo 60,000 zarangije igihe cyo gukoreshwa zikaba ari impano yari yahawe n’Umuryango wa Africa yunze Ubumwe.
REBA YouTube Channel UMUSEKE TV video nziza nk’iyi. UKORA LIKE SHARE na COMMENT
- Advertisement -
UMUSEKE.RW