Leta ya Tanzania yagiriwe inama yo gutekereza kuzana inkingo za Covid-19 no gusubukura gutangaza amakuru y’iki cyorezo mu Gihugu.
Ni inama zatanzwe n’itsinda ryashyizweho na Leta ku bijyanye no kunononsora iby’iki cyorezo muri Tanzania.
Ibyo gutangaza amakuru agendanye na Covid-19 byari byarahagaritswe ku itegeko rya Perezida John Pombe Magufuri muri Gicurasi 2020.
Perezida Magufuli icyo gihe yavugaga ko Covid-19 atari ikibazo ku Batanzaniya ko bagomba gukura amaboko mu mifuka bagakora bakiteza imbere bakirinda ibibarangaza.
Magufuli yavugaga ko Tanzania idakeneye inkingo za Covid-19 kandi itazazinjiza mu gihugu.
Bitandukanye n’ibyo Perezida mushya Samia Suluhu Hassan ageze ku butegetsi yashyizeho itsinda ryo gusuzuma no kugira inama Leta ku cyakorwa ku cyorezo cya Covid-19.
Iryo tsinda rigizwe n’abantu 14 ryatanze inama yo gutangaza amakuru arebana na Covid-19 amaze umwaka adatangazwa mu gihugu.
Iryo tsinda ritanga inama y’uko leta yareba uko izana inkingo za Covid-19 zigahabwa mbere na mbere amatsinda yihariye nk’Abaganga n’abantu bari mu zabukuru, zigaterwa ababyifuza.
REBA YouTube Channel UMUSEKE TV video nziza nk’iyi. UKORA LIKE SHARE na COMMENT
- Advertisement -
NDEKEZI JOHNSON / UMUSEKE.RW