Mu Rwanda imibare ya Minisiteri y’Ubuzima yok u wa Kane tariki 24 Kamena 2021 igaragaza ko abantu 5 bishwe na Covid-19 abanduye ku munsi umwe ni 883.
Abantu bishwe n’icyorezo barimo abagabo batatu b’imyaka 68, 56, 54 n’umugore w’imyaka 54 b’i Rubavu n’umugabo w’imyaka 73 w’i Kigali.
Umubare w’abamaze guhitanwa na Covid-19 ugeze kuri 402.
Habonetse abarwayi bashya 883 barimo ab’i Kigali 234, Rubavu 77, Musanze 51, Kamonyi 48, Rwamagana 39, Rutsiro 38, Huye 38, Gicumbi 36, Bugesera 35, Muhanga 34, Burera 34, Gakenke 33, Rulindo 32, Ngororero 24, Nyamagabe 21, Nyagatare 16, Karongi 15, Gatsibo 14, Ruhango 12, Kayonza 12, Nyamasheke 10, Kirehe 10, Rusizi 8, Ngoma 6 na Nyanza 6.
Abamaze kwandura icyorezo bose ni 34,143 muri bo 26,865 baravuwe barakira. Abakirwaye ni 6,976 muri bo 18 bararembye.
Ibipimo bimaze gufatwa kuva umurwayi wa mbere yatahurwaho Covid-19 mu Rwanda ni 1,583,612 birimo 10,385 byafashwe mu masaha 24 ashize.
Uyu munsi, abantu 382 bahawe doze ya mbere y’urukingo rwa COVID-19, bituma abamaze gukingirwa muri rusange bagera ku 391, 440.
Abantu 248,074 bamaze guhabwa doze ya kabiri y’urwo rukingo (AstraZeneca), harimo 408 bayihawe uyu munsi (Ku wa Kane tariki 24 Kamena 2021).
Ku Isi abamaze kwandura COVID-19 muri rusange bararenga miliyoni 180 barimo abasaga miliyoni 165 bakize ndetse na miliyoni 3.9 z’abantu bapfuye.
- Advertisement -
Ministeri y’Ubuzima ivuga ko COVID-19 ihari kandi abenshi batazi ko bashobora kuyandurira mu mwuka bahumeka cyane cyane iyo bari ahantu hafunganye.
Ingamba zihari ni ukwamabara neza agapfukamunwa, kwirinda kujya mu ngendo zitari ngombwa, gukaraba intoki kenshi kandi neza n’isabune, kujya kwisuzumisha kare igihe ubonye ibimenyetso bidasanzwe.
REBA YouTube Channel UMUSEKE TV video nziza nk’iyi. UKORA LIKE SHARE na COMMENT
UMUSEKE.RW