Minisiteri y’Ubuzima mu Rwanda itangaza ko abantu 202,005 bamaze guhabwa doze ya kabiri y’urukingo rwa COVID-19, aba barimo 13,237 bayihawe uyu munsi.
Mu itangazo risohorwa n’iyi Minisiteri buri munsi rigaragaza uko icyorezo cya Covid-19 gihagaze mu Rwanda, ryagaragaje ko abantu 350,400 bamaze gukingirwa, barimo 202,005 bamaze guhabwa doze ya kabiri y’urukingo.
Itangazo ryo kuri uyu wa Gatatu tariki ya 02 Gicurasi 2021, rigaragaza kandi ko uyu munsi abantu 13,237 bahawe urukingo, Minisiteri y’Ubuzima yizeza ko iyi gahunda yo gutanda inkingo ikomeza kuri uyu wa Kane.
Uyu munsi handuye abantu 41 mu gihe abakize ari 98. Ibi byatumye umubare w’abamaze kwandura Covid-19 kuva yagera mu Rwanda ugera ku bantu 27, 064.
Abayikize ni 25 948, mu gihe yahitanye umugore w’imyaka 45 w’i Kigali, bituma umubare w’abo imaze guhitana muri rusanenge ugera kuri 358.
Muri Gashyantare uyu mwaka ni bwo gahunda yo gukingira Covid-19 mu Rwanda yatangiye, ku ikubitiro hibandwa ku bafite ibyago byo kwandura kurusha abandi by’umwihariko abita ku barwaye iyi virus mu mavuriro.
REBA YouTube Channel UMUSEKE TV video nziza nk’iyi. UKORA LIKE SHARE na COMMENT
UMUSEKE.RW