Ejo ku wa 01 Kamena 2021, Minisiteri y’Ubuzima yatangaje ko abantu bane bahitanywe na Covid-19, mu gihe abandi bantu batandatu bo barembye.
Abahitanywe n’iki cyorezo, ni abagabo batatu barimo umwe w’imyaka 91 w’i Karongi, uw’imyaka 60 i Kigali, uwa 77 w’i Huye n’umugore w’imyaka 43 w’i Kigali.
Iyi mibare kandi yerekana ko abarwayi bashya basanganywe ubwandu bwa Covid-19 ari 60, bituma umubare w’abamaze kwandura Covid-19 ugera ku 27.023 mu bipimo 1.450.013 bimaze gufatwa muri rusange.
Abakize iki cyorezo mu masaha 24 yashize ni 167, bituma umubare w’abamaze kuva mu bitaro batakigaragaza ibimenyetso by’iyi ndwara bagera ku 25.850.
Abakiri kwitabwaho kugeza ku mugoroba wo ku ya 02 Kamena ni 816 barimo bariya batandatu barembye.
Muri iri tangazo Minisante igaragaza ko abantu 188.768 bamaze guhabwa dose ya kabiri y’urukingo rwa COVID-19. Kuva ibikorwa byo gukingira byatangira, abagera ku 350.400 ni bo bamaze guhabwa inkingo.
REBA YouTube Channel UMUSEKE TV video nziza nk’iyi. UKORA LIKE SHARE na COMMENT