Abanyarwanda barasabwa kuba menge muri iyi minsi, nyuma y’uko ibimenyetso bifatika byerekana ko Covid-19 ifite ubutaka yo mu bwoko bwa “Delta” ishobora kuba iri mu Rwanda, Minisitiri w’Ubuzima yabwiye RBA ko ibimenyetso basangana abarwayi bidasanzwe.
Mu kiganiro yahaye Televiziyo y’Igihugu, Minisitiri w’Ubuzima Dr Ngamije Daniel yagize icyo avuga kuri Virusi nshya zitera COVID-19 avuga ko uko bigaragara hari ibimenyetso ko zaba zarageze mu Rwanda.
Ati “Birashoboka ko zaba zihari, kandi uko bigaragara ibipimo turi gukora biri kutwereka ko ibimenyetso simusiga Delta Variant ihari mu Rwanda turabibona.”
Minisitiri w’Ubuzima avuga ko iyo bavugana n’Abaganga bababwira ko abo basanzemo Covid-19 bababwira ko bafite ibimenyetso bishya bitavugwaga mbere.
ubu ngo hari abaza bavuga ko bafite umutwe ubarya cyane, baza guhumeka bibagora cyane ibyo ngi ni ibimenyetso bya Virusi nshya itera Covid-19 ifite ubukana bukomeye.
Dr Ngamije ati “Ukuntu umubare wiyongereye mu gihe gitoya, byadufataga amezi nk’abiri kuva mu kwezi kwa 12 k’umwana wa 2020 kugera mu kwezi kwa Mbere kwa 2021 kugira tubone umubare munini w’abantu banduye, kuri iriya nkubiri ya Kabiri twagize, ariko ubu byadufashe gusa ibyumweru 4 duhita tugira abarwayi benshi bagera kuri 800 ku munsi, ubwandu burihuta cyane ni imiterere y’iriya virusi.”
Minisitiri w’Ubuzima yavuze ko muri iyi minsi imfu ziyongereye cyane kubera ko abakuze basanzwe bafite ibibazo by’ubuzima iyo hajemo Covid-19 nta kindi gikurikiraho uretse urupfu. Agasaba buri wese kwirinda.
Ni iki ukwiriye kumenya kuri Covid-19 ifite ubukana ya “Delta Variant”
- Advertisement -
Ubwoko bwa Covid-19 ifite ubukana “Delta Variant” bwagaragaye bwa mbere mu Buhinde mu Mpera za 2020 bushyirwa ku isonga mu kwandura vuba ndetse bitekerezwa ko ari bwo ntandaro y’imfu nyinshi z’ubwandu bya COVID-19 ku Isi.
Delta imaze kuboneka mu bihugu 98 byo ku migabane itandukanye ku Isi biturutse ku gukerensa ingamba zashyizweho.
Magingo aya hagaragazwa ko abarenga 91% mu banduye COVID-19 ya Delta baremba vuba kandi ibimenyetso byayo bikagaragara cyane mu buryo butandukanye n’ibyagaragaye ku banduye Coronavirus icyaduka mu mpera za 2019.
Abaganga bo mu Bushinwa baherutse gutangaza ko 12% by’abanduye Delta muri icyo gihugu baremba bakagaragaza n’ibimenyetso bikomeye mu minsi itatu cyangwa ine, mu gihe kuri Coronavirus isanzwe abaremba muri iyo minsi baba bari hagati ya 2% na 3%.
Mu mpera za Gicurasi 2020 ni bwo Ishami ry’Umuryango w’Abibumbye ryita ku Buzima (OMS), ryatangaje ko ubwoko bushya bwa Coronavirus yihinduranya buhawe amazina abutandukanya, aho gukomeza kwitirirwa ibihugu bwabonetsemo bwa mbere.
Ubwabonetse mu Bwongereza bwiswe Alpha, ubwo muri Afurika y’Epfo bwitwa Beta, mu gihe ubwabonetse mu Buhinde bwahawe izina rya Delta.
https://p3g.7a0.myftpupload.com/rwanda-covid-19-yishe-abagore-7-nabagabo-9-handuye-760.html
REBA YouTube Channel UMUSEKE TV video nziza nk’iyi. UKORA LIKE SHARE na COMMENT
UMUSEKE.RW