Ukeneye kwamamaza! Gusobanuza! Gutanga amakuru? Hamagara 0788772818
Gasabo: Mu Rukiko Rwisumbuye rwa Gasabo ku wa Gatanu tariki ya 10 Nzeri 2021 hari kubera urubanza rw’abantu baregwa kunyereza asaga miliyari 1.7Frw yak operative COPCOM ariko rurasubikwa.
Urubanza ruregwamo abantu 18 baregwa kunyereza umutungo wa Koperative COPCOM yo mu Gakinjiro ka Gisozi, icururuza ibikoresho by’ubwabatsi.
Ni urubanza rusubitswe inshuro 7, rwagiye rusubikwa kubera impamvu zitandukanye harimo n’izatewe n’icyorezo cya Covid-19 n’izituruka ku baburanyi.
Nta munsi n’umwe uru rubanza rwasubitswe biturutse ku impamvu z’Urukiko.
Abaregwa bose baburana ibyaha bifitanye isano n’ibimunga ubukungu bw’igihugu, bose baburana badafunze kuva batangira gukurikiranwa n’Ubushinacyaha.
Mu Rukiko byagenze gute?
Ku wa 10 Nzeri 2021, Inteko y’Abacamanza batatu n’umwanditsi w’urukiko nibo baburanisha uru rubanza.
- Advertisement -
Ubushinjacyaha bukurikiranyeho bariya bantu icyaha cyo Gukora no gukoresha inyandiko mpimbano irimo ibinyoma, n’icyaha gifitanye isano n’ibyaha bimuga ubukungu bw’igihugu.
Ubushinjacyaha buvuga ko aberegwa bakoze raporo z’ibinyoma, bavuga ko bakoze imirimo y’ubwubatsi bakemeza ko imirimo yose yakozwe neza kandi hari ibitarakozwe.
COPCOM iregera indishyi ivuga ko abaregwa banyereje umutungo usaga Miliyari 1.7Frw (Frw 1,709, 575, 648).
Abaregwa bose bahakana ibyaha bashinjwa n’Ubushinjacyaha bakavuga ko ibyo baregwa bifitanye isano n’imiyoborere mibi yaranze COPCOM.
Ubwo Urukiko rwasubukuraga urubanza bamwe mu baregwa bahise bagaragaza imbogamizi z’uko batiteguye kuburana kuko harimo bamwe muri ba rwiyemezamirimo bareganwa batitabiriye iburanisha kuko bamwe bagaragaje impapuro za Muganga ko barwaye, abandi basaba Urukiko ko bahabwa umwanya bakabanza kureba dosiye kugira ngo bazabone uko bazireguraho mu gihe cy’urubaza nyirizina.
Urukiko rushingiye ku mpapuro za muganga zerekana ko bamwe mu baregwa barwaye rwahise rusubika urubanza rwimurirwa ku wa 27 Nzeri 2021 saa mbiri za mugitondo abaregwa bose bahari.
Koperative COPCOM yagiye irangwa n’ikibazo cy’imiyoborere ya Koperative aho Ubuyobozi bwayoboye COPCOM bwagiye bugira kutumvikana ku ngingo zimwe na zimwe mu banyamuryango bikarangira havutse icyitwa ishyamba, bamwe batumvikana n’abandi.
Abaregwa ni 18 mukunyereza umutungo wa COPCOM ungana na Miriyali 1,709, 575, 648Frw barimo 1. Ndahumba Emile, 2. Mbagizente Edouard 3. Uwitonze Joachim, 4. Uwicyeza Consolee, 5. Nyirurugo Aimabre, 6. Mutware Bienvenu, 7. Mubiru Godefreid, 8. Hi-Sense Engineers And Consultantas Ltd, 9. Nteziryayo Eric, 10. Entreprise Tecom Ltd ihagarariwe na Nteziryayo Eric, 11. Ahimkuye Bertin 12. Entreprise Tecom Ltd ihagarariwe na Ahinkuye Bertin, 13. Safari Fidel, 14. Entreprise Ecobarus ihagarariwe na Safari Fidel, 15. Nubuhoro Janviere, 16. Uwizeyimaa Alphonsine, 17. Mutabazi Allan na 18. Habakurama Venuste.
https://p3g.7a0.myftpupload.com/umuyobozi-wa-copcom-bamushinja-kwiyongeza-manda-itemewe-akavuga-ko-covid-ibifitemo-uruhare.html
REBA YouTube Channel UMUSEKE TV video nziza nk’iyi. UKORA LIKE SHARE na COMMENT
UMUSEKE.RW