Umukinnyi wo hagati ukina afasha ba myugariro w’ikipe ya APR FC Mugisha Bonheur agiye kumara ibyumweru bibiri atagaragara mu kibuga nyuma y’impanuka yakoze kuri uyu wa Mbere.
Ubwo ikipe y’Ingabo z’Igihugu yagarukaga mu Rwanda ivuye muri Tunisia, nibwo uyu mukinnyi Mugisha Bonheur yakoze impanuka mu masaha y’umugoroba ubwo yerekezaga i Kanombe.
Nyuma yo gukora impanuka, Bonheur yahise ajyanwa kwa muganga acishwa mu cyuma basanga yakomeretse ku kuguru ndetse agiramo n’imvune bamushyiraho sima abwirwa ko azamara ibyumweru bibiri ari hanze y’ikibuga.
Uyu musore agize iyi mpanuka mu gihe shampiyona igomba gutangira mu mpera z’iki cyumweru, aho ikipe ya APR FC izatangira yakira ikipe ya Gicumbi FC ku Cyumweru kuri stade ya Kigali i Nyamirambo.
Ukeneye kwamamaza! Gusobanuza! Gutanga amakuru? Hamagara 0788772818
IVOMO: APR FC Website
UMUSEKE.RW
