Covid-19 yishe umugore bituma abo yishe bagera ku 1,314 mu Rwanda

Minisiteri y’Ubuzima (MINISANTE) yatangaje ko ku wa Kabiri tariki 19 Ukwakira 2021 mu Rwanda Covid-19 yahitanye umuntu umwe, habonetse abanduye Covid-19 bashya 32, bakaba babonetse mu bipimo 7,792.

Uwo Covid-19 yishe ni umugore w’imyaka 30 y’amavuko mu Karere ka Muhanga.

Abantu 1,314 nibo bamaze kwicwa na Covid-19 ku butaka bw’u Rwanda.

MINISANTE yatangaje ko abantu 3 aribo binjiye ibitaro mu gihe 3 barembye, 3 bakaba basezerewe mu bitaro kuri uyu munsi wa Kabiri.

Abakingiwe doze ya mbere uyu munsi ni 150,843, abakingiwe dose ya kabiri 6,397 harimo bakingiwe mu masaha 24 ashize.

Abamaze gukingirwa doze zombi bangana na 1,739,947 , ni mu gihe abangana na 3,328,233 bamaze gufata doze ya mbere.U Rwanda rwihaye intego nibura yo gukingira 60% by’abaturage barwo bose.

Abaturarwanda basabwa kubahiriza amabwiriza n’ingamba byashyizweho mu rwego rwo gukumira no kurinda ikwirakwira rya Covid-19.