Ikipe ya Rayon Sports imaze gutangaza ko yasinyishije Muhire Kevin wari umaze iminsi yaranze gushyira umukono ku masezerano yo gukinira iyi kipe.
Muhire Kevin yasinyiye Rayon Sports muri Mata 2021 kuyikinira umwaka w’imikino 2020-21 wanganaga n’amezi 2, ntabwo yigeze awurangiza kuko yahise agira imvune.
Iyi kipe yakomeje kumwegera kugira ngo yongere amasezerano ariko akomeza kugorana, ayibwira gutegereza kuko hari amakipe yo hanze barimo kuvugana.
Nyuma yo kunaniza iyi kipe, Ubuyobozi bwa Rayon Sports bwakoze iyo bwabaga bushaka amafaranga uyu mukinnyi yashakaga, yari yanze gufata igice.
Umutoza Masudi Djuma yari yatangaje ko bamwinginze bishoboka byose ariko yabagoye, yavugaga ko badashobora kumutegereza kuko atari we kamara mu ikipe bazakoresha abahari.
Muhire Kevin mu mwaka ushize w’imikino yari yasinyiye Rayon Sports amasezerano y’amezi abiri, akaba yari yaranayikiniye imyaka ine mbere yo kwerekeza mu Misiri.
Ukeneye kwamamaza! Gusobanuza! Gutanga amakuru? Hamagara 0788772818
NDEKEZI JOHNSON / UMUSEKE.RW
