Slovakiya yahaye u Rwanda inkingo za Covid-19 ibihumbi 280

webmaster 09/10/2021 10:41

Ukeneye kwamamaza! Gusobanuza! Gutanga amakuru? Hamagara 0788772818

Inkingo za Covid-19 zo mu bwoko bwa AstraZeneca zisaga ibihumbi 280 zahawe u Rwanda nk’inkunga itanzwe n’igihugu cya Slovakiya.

*Slovakiya yahaye u Rwanda inkingo za Covid-19 280,000*

Izi nkingo 280,000 zaagejejwe mu kuri uyu wa Gatanu, tariki 8 Ukwakira 2021, aho zagejejwe ku kibuga cy’indege mpuzamahanga cya Kanombe, zikakirwa n’inzego z’ubuzima mu Rwanda.

Izi nkingo zije zikurikira izindi ibihumbi 195 zatanzwe n’U Bubiligi n’izindi zisaga ibihumbi 857 zahawe u Rwanda n’Ubutaliyani.

Intego y’u ni ukuba hamaze gukingirwa 30% by’abagomba kuba bakingiwe, ni mu gihe kandi Umujyi wa Kigali n’indi iyunganira hamaze gukingirwa abarenga 90% by’abari hejuru y’imyaka 18. U Rwanda muri rusange hakaba hamaze gukingirwa hejuru ya 27%.

Inzego z’ubuzima mu Rwanda zitangaza ko uko inkingo zizagenda ziboneka zizahabwa abanyarwanda vuba. Ibi birajyana nuko Ikigo cy’Igihugu cyita ku buzima RBC, kibutsa abantu bari hejuru y’imyaka 18 yaba abanyarwanda cyangwa abanyamahanga bacikanwe kuva kuri uyu wa Gatanu no ku wa Gatandatu tariki 9 Ukwakira 2021, barimo guhabwa urukingo aho zitangira I Gikondo ahabera Expo.

Imibare ya Minisiteri y’Ubuzima ya tariki 8 Ukwakira 2021, igaragaza ko doze ya mbere y’urukingo rwa Covid-19 imaze guhabwa abantu 2,139,148, naho abagera kuri 1,694,441 bamaze gukingirwa byuzuye.

Kubera inkingo no kubahiriza ingamba zo kwirinda Covid-19,igipimo cy’abandura mu minsi irindwi ishize kiri kuri 1%, ibintu bigaragaza ikizere mu guhashya iki cyorezo.