U Bubiligi bwahaye u Rwanda inkunga y’inkingo za Covid-19 zisaga 195,500

Ukeneye kwamamaza! Gusobanuza! Gutanga amakuru? Hamagara 0788772818

Igihugu cy’U Bubiligi cyateye inkunga y’inkingo y’inkingo za Covid-19 zo mu bwoko bwa AstraZeneca zisaga 195,500. Ni inkingo zatanzwe mu rwego rwo gufasha u Rwanda mu nzira nziza yo guhangana na Covid-19.

Izi nkingo za Astra-Zeneca 195,500, zagejejwe mu Rwanda ku mugoroba wo kuri uyu wa Mbere, tariki 4 Ukwakira 2021, aho zagejejwe ku kibuga cy’indege mpuzamahanga cya Kigali zikakirwa n’inzego z’ubuzima mu Rwanda.

Zagejejwe mu gihugu binyuze mu bufatanye bw’ibihugu bwo gusaranganya inkingo za Covid-19 buzwi nka Covax.

Mu gitondo cyo ku wa mbere, tariki ya 4 Ukwakira 2021, nibwo u Rwanda kandi rwari rwakiriye inkingo zatanzwe n’Ubutaliyani. Ni inkingo nazo zo mu bwoko bwa AstraZeneca zibarirwa mu bihumbi 857.

Biciye muri Minisiteri y’Ububanye n’Amahanga, Ubucuruzi n’Iterambere mu Bubiligi n’ambasade y’Ububiligi mu Rwanda, iki gihugu cyatangaje ko izi nkingo zamaze kugera mu Rwanda kandi ko bazakomeza gufasha muri gahunda nziza y’u Rwanda mu guhangana n’icyorezo cya Covid-19.

Ishami ry’Umuryango w’Abibumbye ryita ku bana UNICEF ishamr ry’u Rwanda rikaba ryashimiye U Bubiligi kuri iyi nkunga y’inkingo za Covid-19 bwageneye u Rwanda, ni mu butumwa banyujije kuri Twitter yabo.

Mu gihe cy’iminsi ine, u Rwanda rukaba rumaze kwakira inkingo zo mu bwoko bwa AstraZeneca zisaga mliyoni imwe n’ibihumbi Magana abiri na bitandatu n’inkingo Magana inani(1,206,800), harimo izatanzwe n’Ubwongereza n’Ubutaliyani. Izi nkingo zikaba zaraje zisanga izirenga miliyoni eshatu zari zaramaze kwakirwa n’u Rwanda zimwe zikanatangwa.

Intego y’u Rwanda akaba ari ukurangiza uyu mwaka rumaze gukingira 30% by’abagomba gukingirwa intego bigaragako izeswa ikanarenzwa kubera umuvuduko w’inkingo zikomeje kwakirwa n’u Rwanda.

Imibare ya buri munsi ya Minisiteri y’Ubuzima, igaragaza ko tariki ya 4 Ukwakira 2021, abantu 2,134,072 bari bamaze guhabwa byibura doze ya mbere y’urukingo rwa Covid-19, naho abandi 1,684,266 bari bakingiwe mu buryo bwuzuye.

Imibare y’abandura nayo ikaba ikomeje kugabanuka kuko abantu bari bapimwe bagasanganwa Covid-19 bari 81, naho ikigero cy’ubwandu mu minsi irindwi ishize kikaba 1.2%.