Mu Rwanda, imibare irimo kugaragara muri iyi minsi y’abandura COVID-19, yatumye abaturage bo mu Mujyi wa Kigali bashya ubwoba, bibaza ko nibiramuka bikomeje Leta yasubizaho gahunda ya Guma mu rugo cyangwa hagakazwa ingamba.
Minisiteri y’Ubuzima (MINISANTE) yatangaje ko ku wa 30 Ukuboza 2021, abantu 1.488 banduye Covid-19, mu bipimo 24.501 byafashwe.
Nta wishwe na Covid-19 mu gihugu kuri uwo munsi. Abashyizwe mu bitaro bashya ni 26, abarembye ni 2 nk’uko imibare yatangajwe ibigaragaza.
Uyu munsi abantu 16.331 bahawe dose ya mbere, mu gihe abagera kuri 26.002 bahawe dose ya kabiri. Abagera kuri 29.341 bahawe dose ishimangira.
Abamaze guhabwa dose ya mbere y’urukingo ni 7.666.507, abamaze guhabwa dose zombi ni 5.493.915 mu gihe abamaze guhabwa dose ishimangira ari 176.605.
Benshi baribaza ko Leta ishobora gusubizaho ingamba zikomeye zo kurwanya ikwirakwira ry’iki cyorezo, cyane cyane mu mujyi wa Kigali.
MINISANTE yasabye kandi abantu muri iki gihe cy’iminsi mikuru kwitwararika bakomeza kubahiriza ingamba zashyizweho mu kwirinda COVID-19.
- Advertisement -
REBA YouTube Channel UMUSEKE TV video nziza nk’iyi. UKORA LIKE SHARE na COMMENT
NDEKEZI JOHNSON / UMUSEKE.RW