Minisiteri y’Ubuzima yatangaje ko kuri uyu wa Gatatu tariki 08 Ukuboza 2021, icyorezo cya Covid-19 cyahitanye umuntu umwe nyuma y’igihe nta wicwa n’iki cyorezo ku butaka bw’u Rwanda.
Uwitabye Imana ni umuhungu ukiri muto w’imyaka 13 y’amavuko nk’uko byatangajwe, ni mu mibare igaragazwa na Minisiteri y’Ubuzima.
Mu butumwa bugaragaza ishusho y’iki cyorezo mu Rwanda, Minisiteri y’Ubuzima yagize iti “Twihanganishije umuryango w’umuhungu w’imyaka 13 witabye Imana.”
Uyu muhungu w’imyaka 13 witabye Imana azize COVID-19 abaye umuntu wa 1 344 mu bamaze guhitanwa n’iki cyorezo mu Rwanda.
Ni na we wenyine wishwe na COVID-19 muri iyi minsi irindwi ishize mu gihe iki cyorezo kimaze igihe ntawe cyambura ubuzima mu Rwanda.
Kuri uyu wa Gatatu kandi habonetse abantu 15 basanzwemo ubwandu bwa COVID-19 bashya batumye abamaze gusangwamo iki cyorezo mu minsi irindwi mu Rwanda bagera ku 102.
- Advertisement -
REBA YouTube Channel UMUSEKE TV video nziza nk’iyi. UKORA LIKE SHARE na COMMENT
NDEKEZI JOHNSON/ UMUSEKE.RW
