Kuri uyu wa kane, Umutoza w’ikipe ya El Magd mu cyiciro cya kabiri mu Misiri, Adham El-Selhedar igihe yishimiraga igitego ikipe ye yatsinze ikabona amanota 3, yahise apfa.
Ni umukino wabaye ku wa Kane aho iyi kipe yari yakiriye Al-Zarka mu mukino w’umunsi wa 9 wa Shampiyona y’icyiciro cya kabiri mu Misiri.
Al-Zarka yari ku mwanya wa nyuma irwana no kureba ko yawuvaho. Iminota 90 y’umukino yarangiye ari 0-0, yaje kubona igitego cy’intsinzi ku munota wa 2 w’inyongera.
Iki gitego cyashimishije cyane umutoza wayo, Adham El-Selhedar ariko mu kwishima kwe ahera umwuka.
Yahise yihutanwa kwa muganga aho yajyanywe mu Bitaro bya Al-Amriya ariko ntibabasha kuramira ubuzima bwe kuko byari byarangiye.
Abaganga bavuze ko yafashwe n’umutima igihe yishimiraga igitego.
Ukeneye kwamamaza! Gusobanuza! Gutanga amakuru? Hamagara 0788772818
UMUSEKE.RW
