Madamu Jeannette Kagame yakoze mu nganzo yandika umuvugo “The World I Dream of, on Women’s Day” ugaruka ku mbaraga z’umugore n’ubushobozi bwe ndetse unagaragaza agaciro umugore akwiye guhabwa mu Isi yifuza.
Ni umuvugo ufite umutwe ugira uti “The World I Dream of, on Women’s Day”, “Isi Ndota ku Munsi w’Umugore” tuwushyize mu Kinyarwanda, ukaba umuvugo yahimbye mu rwego rwo kwizihhiza umunsi mpuzamahanga w’Umugore wijihijwe tariki 8 Werurwe 2022.
Muri uyu muvugo wa Madamu wa Perezida Kagame, agaruka ku buryo umugore yafatwaga uko atari ntahabwe agaciro akwiye nyamara ari umunyembaraga wagaburira Isi no mu gihe we ashonje.
Hari aho agira ati “Twavutse tuzi ko abagore bafite ubushobozi bwo guhangana n’ibibazo byose banyuramo… Bagamije gutanga uburere no kurinda bashobora no kwimura umusozi, niyo bo baba bashonje bagaburira Isi.”
Madamu Jeannette Kagame muri uyu muvugo yibaza impamvu abagore bahora badafatwa kimwe n’abandi ahubwo bagahora bahohoterwa. Ibintu asaba ko biwkiye guhinduka mu Isi yifuzwa.
Akomeza ahamya ko arota Isi nziza izira ukubogama ahubwo ikabona imbaraga z’umugore, mu mikarago abigarukaho agira ati “Amaso yanjye afunze ndabona asa neza nk’umunsi, anagana n’abandi. Ndetse Isi ari nziza, nta karengane, kubogama no gutonesha byarashyizwe ku ruhande. Ndetse n’Isi habamo kwitabwaho.”
Madamu Jeannette Kagame asaba abagabo gufasha abakobwa babo, abahungu bagaha agaciro bashiki babo, ndetse abantu bagaterwa ishema na ba Mama wabo.
Acutsa inganzo asaba abantu guhanikira icyarimwe bati “Uri mwiza Mama! Data azaguhe urugukwiye, Rumwe udukunda utizigamye, N’uwaguhanze aguhore hafi, Azakurinde amakuba yose.”
Umunsi Mpuzamahanga w’umugore wihihijwe tariki 8 Werurwe 2022, Madame Jeannette Kagame yawijihirije muri Kenya aho yari yifatanyije na mugenzi we Margaret Kenyatta.
- Advertisement -
Mu ijambo yavugiye muri Kenya, Madamu Jeannette Kagame yavuze ko hakiri urugendo rwo kugenda kugirango umugore ahabwe ijambo akwiye, gusa ngo hari icyizere ko imbaraga ziri gukoreshwa nizigumaho icyuho cy’uburinganire n’ubwuzuzanye gihari kizasibwa.
Ukeneye kwamamaza! Gusobanuza! Gutanga amakuru? Hamagara 0788772818
NKURUNZIZA Jean Baptiste / UMUSEKE.RW