Kompanyi ikora ibijyanye n’imikino y’amahirwe ‘Betting’ ya Gorilla Games yerekanye abanyamahirwe batsindiye kujya mu Bwongereza ku mukino wa Arsenal na Manchester United.
Mu mpera za 2021, nibwo hatangijwe ku mugarago gahunda yo gushishakiriza abagana kompanyi ya Gorilla Games, ko bafite n’amahirwe yo kuzatsindira itike yo kuzajya mu Bwongereza kureba umukino wo kwishyura wa shampiyona uzahuza Arsenal na Manchester United.
Uko abanyamahirwe bagiye bakina iyi mikino y’amahirwe, ni ko babaga bari kwiyongerera amahirwe menshi yo gutsindira iyi tike yo kwerekeza kureba uyu mukino karundura uzahuza Arsenal na Manchester United uzabera ku kibuga cya Arsenal, Emirate Stadium.
Abatsindiye aya matike ni batatu, barimo abagabo babiri n’umugore umwe, Nahasoni Innocent, Makuza Patrick na Fiona.
Ubwo berekwaga itangazamakuru, aba bose bavuze ko inzozi zabo zisa n’izigezweho kuko bifuje kenshi kuzareba amakipe bihebeye imbona nkubone.
Biteganyijwe ko aba banyamahirwe bazahaguruka mu Rwanda tariki 20 Mata, mu gihe umukino wo uzakinwa tariki 23 Mata.
Bazatungwa na Gorilla Games mu minsi itatu bazamarayo.
Gakwandi Aime Chris ushinzwe kumenyekanisha no kwamamaza ibikorwa by’iyi kompanyi, yavuze ko kuva batangiza iyi tombola, babonye abakiliya benshi babagana.
UMUSEKE.RW