Akoresheje amagambo yuje urukundo rwa kibyeyi, umuhanzi Bruce Melodie yifurije isabukuru nziza umwana we amusezeranya ko amukunda byahebuje.
Mu mashusho yashyizwe hanze na Bruce Melodie arikumwe n’umukobwa we Nziza Brittah wujuje imyaka irindwi, uyu muhanzi yabwiye umukobwa we ko amukunda cyane.
Yagize ati “Inshuti yanjye yujuje imyaka 7 uyu munsi, Papa aragukunda cyane mwamikazi.”
Muri aya mashusho Bruce Melodie abaza Brittah nimba abakunda maze nawe nta guca ku ruhande avuga ko abakundira byinshi.
By’umwihariko yavuze ko akunda Se kubera ko yamuhaye impano, kumujyana ku ishuri, naho Nyina akamugurira imyenda, inkweto no kumukoreshereza imisatsi.
Uyu ni umwana w’imfura wa Bruce Melodie yabyaranye n’umufasha we banabana nk’umugore n’umugabo n’ubwo batarakora ubukwe.
Akenshi ku mbuga nkoranyambaga, Bruce Melodie akunda kugaragaza amarangamutima aterwa n’umukobwa we avuga ko yishimira bikomeye.
Abarimo abazwi mu myidagaduro mu Rwanda nka Teta Diana, Sandrine Isheja n’abandi bakomeje kwifuriza isabukuru nziza Brittah.
NDEKEZI JOHNSON / UMUSEKE.RW