Ikipe ya Kiovu Sports yaherukaga gutsinda APR FC kuri uyu wa Mbere yanganyije na Etoile de l’Est 1-1 bituma APR FC yo yatsinze Gorilla FC 1-2 yongera ahahirwe yo gutwara igikombe.
APR FC yatsindiwe na Omborenga Fitina ku munota wa 67’ bidatinze Camara Mohammed ku munota wa 73’ aracyishyura.
Mugunga Yves ku munota wa 83’ yakomeje ibyiringiro byo gutwara igikombe cya 3 yikurikiranya kuri APR FC. Umukino ni uko warangiye APR FC Gorilla FC 2-1.
Etoile de l’Est yagaragaje kugora amakipe akomeye muri uyu mwaka yanganyije na Kiyovu Sports 1-1 bituma icyizere cyo gutwara igikombe ku ikipe yo ku Mumena i Nyamirambo kigabanuka.
APR FC ku munsi wa 28 yahise igira amanota 63, KIYOVU SPORTS igira 61. Icyizere kuri Kiyovu Sports igitegeye ku makipe akomeye ya As Kigali na Police FC azahura na APR FC mu mikino ibiri isigaye.
Kiyovu itagomba gukora ikosa ryo kunganya cyangwa gutsindwa isigaje Espoir FC i Rusizi na Marines FC i Kigali.
Étoile de l’Est FC yakinnye idafite umwe muri ba rutahizamu bayo beza, Nkwosu Samuel, mu gihe Kiyovu Sports yari yagaruye Ngendahimana Eric wari umaze igihe yaravunitse.
Nyuma y’umukino, myugariro wa Kiyovu Sports, Serumogo Ally yahawe ishimwe nk’umukinnyi wujuje imikino 110 muri iyi kipe.
- Advertisement -
Kiyovu Sports XI: Kimenyi Yves, Serumogo Ally, Iracyadukunda Eric, Nshimirimana Ismaël Pichou, Benedata Janvier, Muzamiru Mutyaba, Bigirimana Abedi, Emmanuel Arnold Okwi Muhozi Fred.
Undi mukino wabaye MUKURA VS yatsinze Gicumbi FC 1-0 byatumye iyi kipe yo mu Majyaruguru isubira mu cyiciro cya kabiri bidasubirwaho.
Imyanya ine ya nyuma ku rutonde rwa Shampiyona ku mwanya wa 13. Gorilla FC ifite amanota 29, Etoile de l’Est ya 14 ifite amanota 27, ku mwanya wa 15 hari Rutsiro FC ifite amanota 26, naho Gicumbi FC yamaze kumanuka ifite amanota 18.
UMUSEKE.RW