Me Nyamaswa Raphael asabye Urukiko ko umukiliya we aburanira mu muhezo, nib wo bwa mbere Miss Iradukunda Elsa ageze mu Rukiko aburana ifunga n’ifungurwa by’Agateganyo.
Uyu munyamategeko yabisabye ubwo Umucamanza yamubazaga niba yiteguye kuburana,
Me Nyamaswa yahise abwira Umucamanza ko yifuza ko uwo yunganira yaburanira mu muhezo kubera uburyo uru rubanza rwubatsemo.
Umucamanza yahise abaza Ubushinjacyaha icyo buvuga ku byasabwe na Me Nyamaswa.
Ubushinjacyaha bwahise buvuga ko bwifuza nabwo ko yaburanira mu muhezo.
Umucamanza yahise ategeka akantu bose basohoka urubanza rubera mu muhezo ubwo.
Iburanisha ryamaze iminota nka 20min Umucamanza yasoje urubanza ategeka ko ruzasomwa ejo tariki 25/05/2022 saa kumi z’igicamunsi.
Saa 8h40 a.m nibwo Iradukunda Elsa yagejejwe ku Rukiko rw’ibanze rwa Kicukiro.
Miss Iradukunda Elsa w’imyaka 24 y’amavuko nk’uko umwirondoro we ubigararaza urubanza rwe rwayobowe n’inteko y’umucamanza umwe n’umwanditsi w’urukiko.
- Advertisement -
Ubushinjacyaha bwahagarariwe n’abashinjacyaha babiri.
Tariki 09 Gicurasi, 2022 Urwego rw’Igihugu rw’ubugenzacyaha, RIB rwatangaje ko Miss Iradukunda Elsa yatawe muri yombi. Umuvugizi wa RIB, Dr Murangira B Thierry yabwiye itangazamakuru ko akurikiranyweho ibyaha bibiri: Gushaka kubangamira iperereza, n’Inyandiko mpimbano.
Irushanwa rya Miss Rwanda ryahagaritswe, Miss Iradukunda atabwa muri yombi
Amafoto@NKUNDINEZA@2022
Jean Nkundineza /UMUSEKE.RW