Abakinnyi b’Abanyarwanda bakomeje kubona amakipe hanze y’u Rwanda. Ugezweho ni umunyezamu, Bwanakweli Emmanuel wakiniraga Sunrise FC mu mwaka ushize.
Uyu munyezamu wamaze kugera muri Zambia, yabwiye UMUSEKE ko agiye gukina muri iyi shampiyona atagiye mu igeragezwa nk’uko byavuzwe.
Ati “Ngiye gukina mu ikipe ya City Of Lusaka. Ni Mphande uyitoza.”
Amakuru yandi avuga ko uyu munyezamu yafashijwe n’umutoza w’iyi kipe, Albert Mphande wigeze gutozaho Police FC.
Bwanakweli yakiniye amakipe arimo Police FC, Kiyovu Sports na Sunrise FC yakiniraga muri uyu mwaka w’imikino.
Yiyongereye kuri Nizeyimana Mirafa wakinaga muri iyi shampiyona mu makipe arimo Zanaco FC na Kabwe Walliors yasojemo amasezerano.
UMUSEKE.RW
