Ku Cyicaro gikuru cy’Urwego rw’Igihugu Rushinzwe imfungwa n’abagororwa(RCS), Kuri uyu wa Mbere tariki ya 6 Kamena 2022, Komiseri Mukuru wa RCS, CG Marizamunda Juvenal ,yakiriye Umuyobozi Mukuru wa Magereza mugihugu cya Mozambique, Brigadier Generale Antonio Maurice-SERNAP, baganira ku mikorere ya RCS.
Ni ibiganiro byibanze ku ikoreshwa ry’ikoranabuhanga mu gucunga amadosiye y’imfungwa n’Abagororwa (IECMS) no kubategura gusubira mu buzima busanzwe , bigishwa imyuga n’ubumenyi ngiro .
Kuri Twitter,RCS yatangaje ko Ibi mu rwego rwo kunoza ubufatanye hagati y’inzego zombi.
Kuwa 26 Gicurasi uyu mwaka haheruka guhabwa impamyabushobozi i abanyeshuri 603 bize imyuga itandukanye, bari bafungiye muri gereza ya Nyarugenge.
Hagamijwe ko mu gihe basoza ibihano, batabera umugogoro Leta, ahubwo bihangira umurimo.
URwanda na Mozambique bisanzwe bifitanye umubano mwiza hagati y’ibihugu byombi by’umwihariko mu rwego rw’umutekano.
Muri Nyakanga 2021,rwohereje abasirikare 1000 bo gutanga umusanzu mu guhangana n’umutwe w’iterabwoba uzwi nka Alshabaab .
Ni igikorwa ingabo z’uRwanda zafashije Leta kwisubiza imijyi ikomeye ya Mocimboa de Praiea na Mbau yakoreshwaga n’uriya mutwe wari warigaruriye Intara ya Cabo Delgado.
- Advertisement -
TUYISHIMIRE RAYMOND / UMUSEKE.RW