Ubuyobozi bwa Kiyovu Sports, bwatangaje ko bwigije inyuma inama y’inteko rusange y’abanyamuryango yari iteganyijwe mu mpera z’iki Cyumweru.
Biciye mu mbuga nkoranyambaga z’ikipe, ubuyobozi bwa Kiyovu Sports, bwasohoye Itangazo rivuga ko bwigije inyuma inama y’inteko rusange yagombaga kubuhuza n’abanyamuryango bayo.
Muri iri tangazo, bavuze ko iyi nteko rusange yagombaga kuba ku wa Gatandatu tariki 25 Nzeri 2022, yigijwe inyuma igashyirwa tariki 1 Ukwakira 2022 saa tatu za mu gitondo ku Igitego Hotel i Remera.
Abanyamuryango bose b’iyi kipe batumiwe muri iyi nteko rusange, mu gihe mbere bari basabwe kubanza kwishyura ibirarane byose by’imisanzu babereyemo ikipe.
UMUSEKE.RW