Mu ijonjora rya Kabiri ry’amarushanwa Nyafurika ahuza amakipe yatwaye ibikombe iwayo [CAF Confederation Cup], ikipe ya Al Nasser yo muri Libya yasezereye AS Kigali yari ihagarariye u Rwanda.
Ni umukino wabaye ku Cyumweru tariki 16 Ukwakira 2022, ubera i Benghazi mu gihugu cya Libya.
AS Kigali yasabwaga gutsinda cyangwa ikahangayiriza ariko mu bitego, ntabwo byayikundiye kuko yatsinzwe igitego 1-0 ku munota wa 69.
Ikimara gutsindwa igitego, iyi kipe yari ihagarariye u Rwanda muri aya marushanwa, byari bisobanuye ko isigaranye amahirwe yo kunganya mu bitego ubundi igakomeza ariko si ko byayigendekeye.
Umukino warangiye, ikipe ya Al Nasser yahise isezerera AS Kigali gutyo. Bisobanuye ko iyi kipe iterwa inkunga n’Umujyi wa Kigali, igomba kugaruka mu Rwanda igakomeza shampiyona.
Al Nasser igomba kuzatombora ikipe zirimo TP Mazembe n’izindi zasezerewe muri CAF Champions League. Izasezerera indi mu cyiciro kizakurikiraho, izahita ijya mu matsinda ya CAF Confederation Cup.
UMUSEKE.RW