Bakavuga ko ibi biterwa n’imbogamizi ubuhinzi buhura nazo harimo kutigirira icyizere hakiyongeraho n’ibibazo by’imihindagurikire y’ikirere.
Mujawayezu Scolastica umwe mu bahinzi ba kawa bato, avuga ko kuva yatangira umwuga w’Ubuhinzi atararenza miliyoni n’igice.
Ati “Inguzanyo duhabwa bayiduhera ku nyungu ya 6% bivuze ko turamutse dufashe menshi bitatugora kuyishyura.”
Uyu muhinzi avuga ko Ubuyobozi bw’inzego za Leta bugomba gushyira imbaraga mu gutinyura abahinzi gufata inguzanyo nini, bagasaba amabanki kubagirira icyizere.
Ntirenganya Fréderic mwe mu bagize inama y’Ubuyobozi mu kigo cy’Imali CPF INEZA, avuga ko benshi mu bahinzi bato badakunze gusaba inguzanyo irenze miliyoni.
Ati “Abahinzi ku giti cyabo turi kumwe uyu munsi ntabwo barenza ayo mafaranga y’inguzanyo.”
Ntirenganya yavuze ko inguzanyo zihabwa amakoperative y’abahinzi ba kawa bazizamura zikagera kuri miliyoni 250 Frw.
Umuyobozi wungurije ushinzwe Iterambere ry’ubukungu mu Karere ka Muhanga Bizimana Eric, yemera ko inguzanyo zijya mu bikorwa by’ubuhinzi ari nkeya kugeza ubu.
- Advertisement -
Bizimana akavuga ko barimo gushishikariza abahinzi gushyira mu bwishingizi ibihingwa byabo kuko aribyo bizatuma amabanki abasha kubaha inguzanyo mu buryo bworoshye.
Yagize ati “Umubare w’abahinzi batangiye gutinyuka kwaka inguzanyo uracyari hasi, turimo gukora ibishoboka kugira ngo uyu mubare w’abaka n’abasaba inguzanyo urusheho kuzamuka.”
Muri iki gikorwa abakozi b’ikigo y’Imali CPF INEZA basobanuriye abahinzi ko ubu buryo bw’Ikoranabuhanga buzajya bubafasha kubitsa no kubikuza batiriwe batonda imirongo kuri Banki.