Mu mikino ya Mbere ya shampiyona, ikipe REG Basketball Club na Patriots Basketball Club, zatangiye zitsinda Orion BBC na K-Titans BBC zazamutse uyu mwaka.
Ni imikino yabaye ku wa Gatanu tariki 13 Mutarama 2023, ibera ku kibuga cya Kepler ku masaha ya Saa moya na Saa tatu za nijoro.
Umukino wabanje ni uwahuje REG BBC, itsinda Orion BBC amanota 103-51 mu mikino woroheye iyi kipe y’Ikigo Gishinzwe gukwirakwiza Amashanyarazi.
Umukino wakurikiyeho, ni uwahuje Patriots BBC na Kigali Titans BBC yazamutse mu cyiciro cya mbere idatsinzwe umukino n’umwe.
Muri uyu mukino, ikipe agace ka mbere katsinzwe na Patriots ku manota 22-20. Agace ka Kabiri, K-Titans yahise igatsinda ku manota 28-26.
Patriots yagarutse itsinda agace ka gatatu ku manota 26-16, agace ka nyuma kegukanwa na K-Titans ku manota 34-11.
Iyi kipe yazamutse uyu mwaka, yatsinze umukino ku manota 98-85, Munyeshuri Thierry ukinira iyi kipe atsinda amanota menshi (42).
Ubwo herekanwaga abakinnyi K-Titans BBC izakinisha uyu mwaka, Perezida w’iyi kipe, Rubonera Eugène na Karima Cyrille utoza iyi kipe, bavuze ko bataje mu cyiciro cya mbere mu butembere.
Uyu munsi hateganyijwe imikino ibiri y’umunsi wa kabiri:
- Advertisement -
13h: APR BBC vs IPRC-Musanze BBC (Kepler)
15h: Tigers BBC vs IPRC-Huye (Kepler)
Imikino y’umunsi wa Gatatu iteganyijwe ku Cyumweru tariki 15 Mutarama 2013:
11h: REG BBC vs IPRC-Musanze (Stecol)
13h: APR BBC vs IPRC-Huye (Stecol)
15h: Espoir BBC vs Orion BBC (Stecol)
UMUSEKE.RW
