Ndayiragije Étienne yahawe gutoza ikipe y’Igihugu y’u Burundi

Umutoza uherutse gutandukana na Bugesera FC mu bwumvikane, yahawe akazi ko gutoza ikipe y’igihugu y’u Burundi.

Mu minsi ishize ni bwo ubuyobozi bw’ikipe ya Bugesera FC, bubicishije ku mbuga nkoranyambaga bwatangaje ko bwatandukanye n’uwari umutoza mukuru w’iyi kipe, Ndayiragije Étienne biciye mu bwumvikane bw’impande zombi.

Budacyeye kabiri, uyu mutoza yahise ahabwa akazi mu gihugu cy’u Burundi. Yahawe amasezerano yo gutoza ikipe y’igihugu cy’u Burundi mu myaka ibiri iri imbere.

Étienne agiye gutoza ikipe y’igihugu ku nshuro ya Kabiri, nyuma yo gutoz Tanzania mu myaka ine ishize.

Uyu mutoza yatoje muri Tanzania mu makipe arimo Azam FC, Geita Gold FC. Yasize Bugesera FC ku mwanya wa 12 n’amanota 18 mu mikino 15 ibanza ya shampiyona.

UMUSEKE.RW